Home SPEAK Home [ maine ghar ni jaana ]
Home Speak Home
(Maine Ghar Ni Jaana)
Anant Gaur
The Home////
The house is divided into two areas, park and house
This house is a L shaped area, while park is just next to the house .
The Voice:
Aksar, humne insaano ki jung dekhi hai, kabhi sarhadon ko lekar to kabhi dharm ko lekr. kabhi bhasha(language) ko lekr aur agar ladne ka koi bahana nahi milta to bas Yun hi baat be-baat bewajah ek dusre ka mazak udate hue ladd padte hain. chalo fir bhi insaano ke paas to bolne ke liye awaaz hai, vo apas mein ladd jhagad kar apne aap ko shaant kar lete hain. Sochiye agar yeh bezubaan ped-paudhe, prakritik jeev jantu aur nirjiv vastuyein jaise Ainaa(mirror), Mez(table), Darwaaza(door), Bartan(utensils), Tubelight aadi sab ek din insaano ki tarah bol padein, to na jaane aur kis kis tarike ki jung dekhne ko mil sakti hai.
Yeh kahani bhi ek aise hi jung ki hai jahan par bezubaano ko sataaya gaya, par baar baar madad maangne par bhi koi unki madad karne nahi aaya, tab kya tha... unhone khud hi morcha khol diya. Is prithvi par sabse samjhdaar kahe jaane wale janwar, arthart insaano ke khilaaf.
Yeh kahani us waqt ki hai jab Mr. aur Mrs. PUNjwani apne bachho ke sath TROLLgarh me rehne aate hain.
Story:
Us ghar ki haalat dekh kar aisa lag raha tha ki maano koi yahan par tabaahi machaa gaya ho, tubelight, mirror par itni dhool thi ki pata hi nahi lag raha tha ki yeh cheezein aakhir hain kya. Is parivaar ke jaane ke baad is ghar ki sabhi vastuo ne ek chaenn ki saans li aur apne apne facebook ka status update kar baithte hue bol pade, "finally... we are independent " aur isi khushi mein teeno ne apni ek selfie khench daali aur tubelight ke kehne par aaine(mirror) ne selfie ko FB par post kar diya wo bhi #feelingIndependent #feeling_Life ke hashtags ke saath.
Pankha jo ki bechara na jaane subah se kitni baar chakkar kha kar gir chuka tha mayoos sa side me pda hua tha, Tabhi use chhedte hue tubelight ne puchha, "kyu bhai bade khush dikh rahe ho, par lag nahi rahe.. kya baat hai? Agr ghar ka koi kona dekhne ko reh gaya ho to batao... main button daba kar ghuma deta hu. itne udaas kyu ho bhai zara bata bhi do? "
Pankhe ne apni udaasi ka kaaran bataya ki " raat mein jab tum log so gaye the.. tab maine yahan rehne vale insaano ko kehte suna tha, ki inke jaane ke baad jo aane vale log hain vo ek do dino me aa jayenge! Main to aane vale logo'n ka soch kar darr raha hu... ki na jaane vo kitne laparwaah honge, jab vo party me jayenge apne dosto yaaro ke paas, to humein yun hi chalta to nahi chhod jayenge? ". Tubelight ne beech mein pankhe ki baat me baat milate hue kaha, "kahin aisa to nahi ki yeh log mujhe din me bewajah jalta chhod denge!! ". Aaine ne beech me gusse me tok kar dono ko rokte hue kaha, "tum dono ko apni pdi hai.. mujhe to chinta ho rahi hai ki kahin inke bachche na ho.. varna meri to saari beauty hi kharaab ho jayegi ". Tubelight aur pankha dono aashcharyachakit(shocked) ho kar puchhne lage ki "teri beauty ka bachcho se kya lena dena? ". Aaina naak phulate hue bol pdi ki "jab bhi bachche aate hain vo mere uppar kabhi sticker to kabhi tattoo laga dete hain, is se mere ko bahut problem aati hai aur meri skin kharaab ho jati hai ". utne me pichhe se bartan ke khadakne ki awaaz aati hai, apni saanso ko sambhaalte hue, phuli saanso se hafte hue vo bolti hai ki "dekho yaar ab yeh sab chhodo... bade dukh ki baat hai darwaaze ne abhi abhi bataya ki hamare Ghar ki taraf ek badi gaadi aa rahi hai ". Tubelight ne haste hue bola "lo... lagi waat darwaaze ki, ise fir koi dhakka dekr itni tez kholega ki iska sar takra jayega deewar se. Na jaane log kyun is bechare ko itna pareshan karte hain, ghar ke baahar door-bell hone ke baad bhi nahin bajaate aur khamkha isko peer kar andr se logo ko bulate hain ".
Tabhi beech mein Aaina aakar kehti hai "it's prayer time... lets pray for our well being ".
Gaane ke sur mein yeh log bhagwan se aane vale insaano me kam se kam ek sajjan insaan ho iski prarthna karte hain.
Ek dum se gaadi ki awaaz k saath sabhi shaant ho jate hain.
Thodi der kuchh nahi hota. Fir achaanak bachche itni tez darwaaza kholte hain ki darwaaza ud kar andar girta hai.
Bachche jo ghar mein aaye vo bade shararti aaye.. na jaane kaise bachche the bechaaro ka jina haraam kar diya, rahi sahi kasar mata pita ne poori kar di. Itna bura haal ho gaya tha ki vo apni sudh budh hi kho baithe the aur bas please help... please help bol kar idhar udhar bhaag jaate the.
Bachche itne shararti the ki ghar me kisi chiz ko salaamat nahi rehne dete the. Fan ko chala kar chhod dete the, Tubelight ko baar baar on off karte rehte the, bartano ko idhar udhar phenk dete, pyari chidiya ko baar baar paani daal kar geela kar dete aur chhote doggy ko mirchi vagehra khila dete the. Itna hi nahi unki dehshat ghar ke baahar park tak thi. Park me vo, jhoole aur pedo ko todte. Ma paa ke bahut samjhaane pat bhi vo nahi maante.
Kaafi dino tak aisa hi chalta raha par sabhi unhe jhelte rahe. Phir ek din ma ek bahut chhota sa ek-dedh saal ka infant Vase ghar lekar aayi. Vo bahut cute aur bhola tha. Ghar ki baaqi sabhi cheezon ka usse bahut lagaav ho gya tha. Aur phir ek din sharaarat karte karte bachche Table par chadh kar kood rahe the. Unko is sharaarat sazaa maasum Vase Ko bhugatni pdi.
Chhota Vase gir kar tut Gaya.
Uski maut(death) se sabhi ko bahut dhakka pahuncha. Ma bachcho ko bahut daat lagaayi par phir bhi unhe sharam nahi aayi. Tab sabhi objects badla lene ka thaan liya.
Pankhe ne apna tark rakhte hue kaha ki, "main jab bandd padd jata hun, tab sabhi prakritik (natural) hawaa hi khaane jaate hain ". Tubelight ne kaha ki "jab main kharaab ho jati hun, tab log din me to suraj ki roshni se hi kaam chalate hain ". Behes ko badhaane me roshni aur hawaa ne bhi koi kasar nahi chhodi, dono bas ye tark dete rahe ki tubelight aur fan ke aane se log unki importance bhul gaye hain.
Tabhi pichhe se Table thaka haara langdate hua aaya aur "bachaao bachaao " keh kar shaanti se side me khadaa ho gaya. Paas me khada ped bade hi dayalu bhaav se uski vedna ka kaaran puchhta hai.
Table btata hai ki do mote mote bachche aaj us par chadh gaye aur us bechare ki taang tod daali aur vo to sahi samay par bhaag aaya varna aaj to uska daah sanskar pakka hi tha. uska dukh dekh kar saath me khade ped se raha nahi gaya aur vo bol pda, "agar aisa hota raha to ek din hamara bhi yahi haal hoga, kisi din koi insaan use kaat kar Table bana dega aur phir koi use langda kar dega ".
Itna sab kuchh hone ke baad bhi roshni aur hawaa inki madad ko teyyar nahi hue par phir bargad ke ped(buzurg) ke samjhaane par yeh log aapas me mil kar insaano ke khilaaf bejubaano ki pehli jung ladne ko teyyar ho gaye. Khusur phusur karte hue kuchh plan banaya aur na jaane kuchh ajeeb se naare lagaate hue chal diye.
Unhone ma paa ke saath milkar ek plan banaya aur chidiyaon (Birds) ki madad se plan bahar park tak phaila diya.
According to plan, Ma pa ek din ke liye baahar jaane ka plan banaate hain. Vo bachcho ko kehte hain ki sharaarat na karein aur ghar ka khayaal rakhein. Par...
Plan:
Din ke samay pankhe ko chalte hue achaanajk bandd ho jaana tha aur usne ghar me sabke aate hi aisa hi kiya. ghar ke sabhi log paseene se badhaal ho gaye. Unhide baahar se hawaa aane ke liye darwaaza khola. Baahar se roshni to aayi par hawaa nahi. Isi tarah sab chizein apni apni tarah bachcho ko pareshan kar deti hain. Aaina unhe unki shakal gandi karke dikhati hai, unke khilone chhup jaate hain.
Bachche jab park jaate hain, ye soch kar ki ped ke niche baith kar chhanv me kuchh khelein, par ped bhi unse naraaz apni saari tehiniya samet leta hain aur chup chaap khada rehta hai. Bachcho ko dhoop se takleef hone lagti hai, halanki unki takleef dekh kar roshni ka dil to pighla par kya karein, sab kuchh according to the plan jo karna tha. Chidhkar bachche ped ko patthar maarte hain to ped naraaz hokr unhe apne phal phenk kar maarta hai.
Phir jaise hi bachhe jhoole par chadhe vo unhe itni tez ghumata hai ki bachche chakkar kha kar gir jaate haib. Jaise taise bachche sambhalte hain, par tabhi chidiya vahan apne dusre saathiyon ke saath aati hai aur un par Shit Attack kar deti hain.
Bachche bechare gande ho kar ghar ki taraf bhaag khade hote hain. Ek bachha nahaane jaata hai par baahar aakar kehta hai ki "shower mein to paani hi nahi hai ". Tabhi ghar ki saari lights eksath bandd ho jaati hain aur Fan Table Bartan sab awaaze karne lagte hain, Chhota doggy rone lagta hai. Tube On-Off hone lagti hai. Itna daraavna mahaul dekh kar bachche darr kar rone lagte hain aur maafi mangte hain.
Tabhi achaanak darwaza khulne ki aawaz aati hai aur bachhe aur buri tarah ghabra jaate hain par unhe pata chalta hai ki ma paa ghar laut aaye hain, ma aakar lights on karti hain, sab normal ho jata hai. Tab vo bachho ko samjhate hain ki agar kisi ko pareshan karoge to vo bhi palat kar tumhe karenge, nature aur ghar ki sabhi chizein hamari itni madad krte hain, to badle mein hamara farz banta hai ki humein bhi unka khayaal rakhna chahiye. Bachcho ko realize hota hai ki vo kitne galat the. vo apne ghar se maafi maangte hain aur us din ke baad har chiz ka dhang se istemaal karte hain. Kuchh din Baad ma ek aur chhota sa Vase laakr Table par rakhti hain. Tab Bachche Bashar se kuchh flowers laakr usme rakh dete hain.
[ 22 Dec, 2015 ]
Comments
Post a Comment